Page 36 - Heilbrigði og velferð - Ritröð um grunnþætti menntunar

HEILBRIGÐI OG VELFERÐ
34
hérlendis og erlendis, sem tekið hafa upp
sveigjanlegan skólatíma fyrir unglinga. Þeir
sem þess þurfa geta þá sofið aðeins lengur á
morgnana og unnið lengur á daginn. Þegar
litið er til þess hversu mikilvægur svefninn
er og hvaða afleiðingar svefnleysi hefur á
fólk er ekki úr vegi að skoða hvort taka
megi upp sveigjanlegra tímaskipulag fyrir
unglinga í skóla eða seinka skólabyrjun um
klukkustund.
Ónógur svefn hefur margt
í för með sér
• Þreytu, slen, deyfð og syfju
• Einbeitingarerfiðleika
• Pirring
• Aukna slysatíðni
• Minni afköst
• Erfiðleika í samskiptum
Slakað á!
Einfaldar leiðbeiningar við daglega slökun
• Nemendur koma sér þægilega fyrir á stól eða á teppi á gólfinu.
• Bakið beint og báðir fætur á gólfi ef setið er.
• Handleggir niður með síðum eða í kjöltunni með lófa á lærum.
• Sitja með lokuð augu.
• Slaka vel á í öxlum.
• Slaka vel á kjálkavöðvum og tungu – ná spennu úr andliti.
• Anda rólega og djúpt inn um nefið og ímynda sér að loftið fari alveg ofan í
maga eða nafla.
• Halda aðeins niðri í sér andanum.
• Anda rólega út um munninn og tæma vel lungun.
• Slaka á í öllum líkamanum – hreyfa hvorki legg né lið.
• Reyna að tæma hugann en ef það tekst ekki þá beina huganum að
jákvæðri minningu.
• Þegar slökuninni er að ljúka er best að byrja á því að hreyfa aðeins fingur,
tær, handleggi, axlir, bakið, hálsinn og höfuðið – opna síðan augun.
• Á meðan á slökun stendur er gott að hlusta á róandi tónlist eða rólegar
leiðbeiningar kennara.