Page 29 - Jafnrétti - Ritröð um grunnþætti menntunar

Grunnþættir menntunar
27
er skemmtilegt uppbrot á starfi skóla og gefur oft jákvæða mynd af landi eða
menningu sem á í hlut. Þemadagar og -vikur af þessu tagi geta þó aldrei verið
nema hluti af vinnu í anda fjölmenningar, sú vinna þarf að vera umfangsmeiri
og hafa áhrif á nám, skipulag og starfsemi skólans, skólamenninguna, frá degi til
dags. Hægt er að nefna starf Austurbæjarskóla í Reykjavík sem dæmi til að læra
af og horfa til.
Í rannsókn Kristínar Aðalsteinsdóttur, Guðmundar Engilbertssonar og
Ragnheiðar Gunnbjörnsdóttur (2007) á fjölmenningarlegri kennslu í Kanada,
Noregi og á Íslandi kom fram að íslenskir kennarar virðast leggja áherslu á að börn
innflytjenda lagi sig að skólunum á meðan að kanadískir kennarar í Manitoba líta
svo á að skólanum beri að laga sig að börnunum og fjölskyldum þeirra. Það geti
skólinn til að mynda gert með því að kynnast menningu barnanna og leitast við skilja
bakgrunn þeirra. Markmið kanadísku skólanna var að börnin væru stolt af uppruna
sínum. Í rannsókn Rósu Guðbjartsdóttur og Hönnu Ragnarsdóttur (2010) kom
fram að börn innflytjenda hafa að mati viðmælenda þeirra tilhneigingu til að vingast
fremur við önnur innflytjendabörn
en íslensk börn. Kennararnir
sögðust þó flestir leggja áherslu
á að láta börnin hafa hlutverk og
samtvinna veru þeirra skólastarfinu
á sem jákvæðastan hátt. Enda hafa
rannsóknir sýnt að samvinnunám
hentar einkar vel þegar börn
hafa ekki öll sama menningarlega
bakgrunn. Jafnframt kom fram í
rannsókn þeirra Rósu og Hönnu
mikilvægi þess að upplýsa foreldra
um íslenska menningu og venjur, t.d.
hvað varðar tómstundir og vináttu
barna utan skóla.
Sinn er siður í landi hverju
Biðjið börn og unglinga að reyna að útskýra
þorrablót fyrir ímynduðum gesti frá fjarlægum
menningarheimi eða hvers vegna og hvernig
við höldum páska hátíðlega. Fáið þá líka til að
skoða og ræða mismunandi fegurðarstaðla
á milli menningarheima, útskýra hvers vegna
fólk leggur mikið á sig og gengur jafnvel í
gegnum tímafrekar og dýrar aðgerðir til þess
að mæta slíkum kröfum. Þá er vert að fá börn
og unglinga til þess að skilja hvers vegna
þeir sem setjast að í nýjum menningarheimi
kunna að vilja halda í eitthvað af þeim siðum
og menningu sem þeir hafa alist upp við. Börn
sem hafa búið í öðru landi gætu sagt frá hvað
þau eða fjölskyldur þeirra hafa haldið í frá
upprunalandi sínu.