Page 32 - Jafnrétti - Ritröð um grunnþætti menntunar
Basic HTML Version
JAFNRÉTTI
30
framburði og málnotkun hafa stundum verið
meðhöndluð og rædd eins og um sjúkdóma
væri að ræða og mikil áhersla lögð á svokallaða
hreintungustefnu. Innflytjendur nefna tungu
málið sem einn helsta þröskuld inn í íslenskt
samfélag.
Mikilvægt er að velta fyrir sér hvernig hægt
er að auðvelda innflytjendum að tileinka sér
íslensku og taka þátt í íslensku samfélagi jafnvel
þó að íslenskugeta sé af skornum skammti.
Ræða má mikilvægi þess að innflytjendur fái
viðeigandi aðstoð til þess að læra og efla sitt
eigið móðurmál til að tryggja frekar möguleika
á því að þeir geti tekið fullan þátt í íslensku
samfélagi. Í þessu sambandi má vísa til reynslu
heyrnarlausra sem eiga mikið undir því að fá
að beita táknmáli við nám og störf.
Lífsskoðun og trúarbrögð
Til þess að skilja menningarmun og menningarsvæði er mikilvægt að þekkja til
trúarbragða þar semborið er niður. Trúog trúarlíf eru gjarnan samofin fjölskyldulífi
barna og unglinga. Skólar sem vilja eiga í góðu samstarfi við heimili verða því að
setja niður fyrir sér hvernig þeir ætla sér að nálgast trúar- og lífsskoðanir. Það er
mikilvægt að kennarar og skólastjórnendur hugleiði og reyni að átta sig á hvernig
tryggja má jafnan rétt allra óháð lífsskoðunum. Sumir skólar og sveitarfélög hafa
sett reglur um samskipti skóla og trúfélaga en það kemur ekki í veg fyrir fræðslu
um sögu og hefðir kristinnar trúar eða fræðslu um önnur trúarbrögð. Hins vegar
setja slíkar reglur hömlur á trúarlegan boðskap innan vébanda skólans.
Íslenskuþorpið
Í Háskóla Íslands er verið að
þróa merkilegt verkefni sem
snýst um að gera útlendingum
auðveldara að tala íslensku.
Háskólinn hefur gert samning við
stofnanir og fyrirtæki, svo sem
kaffihús, bókasöfn, veitingastaði,
sundlaugar og verslanir, þar sem
þeim sem eru að læra íslensku
eru tryggð samskipti á íslensku.
Starfsfólk hefur gengist undir
þjálfun í að tala hægt og skýrt og
skipta ekki yfir í ensku. Verkefnið
ber heitið Íslenskuþorpið, sjá
/.
