Page 28 - Jafnrétti - Ritröð um grunnþætti menntunar

JAFNRÉTTI
26
Menning, þjóðerni,
tungumál, trúarbrögð,
lífsskoðanir
Á hverju ári kemur fólk hvaðanæva að úr heiminum til þess að setjast að á Íslandi
til lengri eða skemmri tíma. Sumir ætla sér að dvelja tímabundið við vinnu á
meðan aðrir hafa hugsað sér að vera hér til langframa og jafnvel alla ævi. Síðan eru
þeir sem hafa áhuga á að kynnast landi og þjóð og vilja búa hér um tíma. Þetta er
hluti af hnattvæðingunni, fólk ferðast meira en áður og menningarlegir straumar
hríslast hraðar og víðar en fyrr. Samfélagið er í iðu menningarlegra strauma sem
hafa áhrif á það og móta.
Reynsla Íslendinga af innflytjendum er minni en almennt er í nágrannalöndum
okkar. Innflytjendum fjölgaði þó mjög hratt á tiltölulega skömmum tíma á fyrsta
áratug þessarar aldar. Erlendir ríkisborgarar eru nú um 8% af íbúum. Þeir koma
víðsvegar frá og eru mjög sundurleitur hópur. Stærstur hluti er af evrópskum
uppruna, ljós á hörund og kristinnar trúar. Innflytjendur leggja mikið af mörkum
til íslensks samfélags. Þá er að finna á ýmsum sviðum atvinnulífsins og þeir eru
virkir í menningarlífi.
Fjölmenningarlegur skóli
Ísland er fjölmenningarsamfélag og skólinn er í lykilhlutverki við að byggja
upp samskipti í samfélagi þar sem menningarlegur fjölbreytileiki, mismunandi
trúarbrögð, trúfrelsi og trúleysi, viðhorf og lífsskoðanir njóta virðingar. Rósa
Guðbjartsdóttir og Hanna Ragnarsdóttir (2010) benda á að allt skólastarf og
menntun eru mótuð af menningu rétt eins og samfélagið sjálft. Menning sem fólk
vex upp við í dag sé aldrei einsleit og í raun og veru sé ekki hægt að komast hjá
því að kynnast öðrum menningarheimum. Þær benda líka á að öll námskrárvinna
og kennsla feli í sér miðlun og val á menningarlegu sjónarhorni. Þegar skólar
ákveða að halda pólska daga eða sænska viku þar sem allt það sem er pólskt eða
sænskt fær sérstaka athygli má segja að þeir leggi upp í menningarferð. Þetta
3